Kikapu Ulaya yazidi 'kupamba moto'

Timu ya kikapu ya Monaco ya Ufaransa imeendelea kujiimarisha katika uongozi wake kwenye msimamo wa kundi A la mashindano ya ligi ya klabu bingwa barani Ulaya baada ya kuifunga timu ya Juventus ya Italia kwa alama 92-85.

Monaco walifanikiwa kuongoza katika robo tatu za mchezo huo, ambapo kupitia nyota wake Aaron Craft, Paul Lacombe na Abdel Kader Sylla waliopata kwa pamoja alama 53, ilifanikiwa kuwavunja nguvu Juventus ambao katika robo ya pili walirejea na makali na kuongoza kwa alama 24-20.
Juventus iko katika nafasi ya mwisho kwenye msimamo wa kundi hilo na inatarajiwa kucheza mechi nyingine dhidi ya Pinar Karsiyaka ya Uturuki inayoshika nafasi ya pili kwenye msimamo huo.